على
مشرف
 
 89
 547
 845
 02/06/2011
 27
الموقع : Egypt
 | موضوع: فرســـان ينــــاير  الثلاثاء يونيو 07, 2011 5:24 pm | |
|
حفـــلة جــــــــواز المـــــــلك جهـــــــزت و منتظـــره العـــــريس
و بلادنا سمـــــوها عروسته و عريســـها كـــان هــــوّه الــــوريث
و الحفل كان قاصر على كل خاين أو مرابى أو منافق أو خسيــس
و بـــــلادنا تبــــكى تقـول يا نـــــاس فين أصــــول المجدعــــــه
دا مش جــــــواز لأ دا اغتـــــــــصاب دا ضــربه قاضــــيه موجعه
و عيونها تنـــده فين حبيبـــــــها و لسانــــــــها يدبل م الدعـــــــا
أمّا الحبيـــــب المصــــــرى كـــان من تقـــل حمله محنى ضهره
ظلــــــمه جبــــابره بافتــــــرا قيــــــدوه و استحلـــــوا قهـــــره
وطـــــاويط هــــلاك حلّت عليــــه من كل عتــمة كهــف ظهــروا
و بــــلادنا رغم حزنــــــها كـــان حسنـــــها سبـــــحان تبــــــارك
و كـــل كلــــب عينــــه منـــها جــــــاى يهنـــى و يستبـــــــارك
الكل واقــــــف ف انتظار عقد القران على يد مولانا ال "مبــارك "
و ايديـــن بـــــــلادنا بكـــل عنـــف لايــد عريســــها اتسلـــــمت
يئســـت و مــــــــات فيهــــا الأمــــل و لأمـــر واقــــــع سلّمت
و حبيبــــها يلـــطم فـــوق خــدوده يبكى و رايتـــه استســلمت
...............................................
فجأه..
و فجـــــــأه يظهر ف الضبـــــــاب خيول بنور الحـق تضـوى
صهيلــــها رعــد ع الودان و عينـــها بــــرق نـــاره تشــــوى
فرســــانها عزّل م الســـلاح بس اليقين كرابيجـــه تكــوى
فرســــــان بــنحــــــــره تصـــــيح ف وش كـــــل جـــــاير
سيـــــف العزيــــمه فى يدّها على أى رقبـه واطيـــه داير
دول مولــــــودين و فيض كــــرامه ف دمهـــم
دول اسمهم أولاد يناير
دول اسمهم أولاد يناير
...........................................
جثث الكـــــلاب اتنورت ف كل شبــــــر من البــــــلاد
و أى سلســــال كــان زفــر معدش له أى امتـــــداد
راحوا اللى طاحوا و استباحوا قوت الغلابه من العباد
و المصرى تتدغدغ قيوده ماسـك ايدين حبيبته ينفى
انه هيقبــل أى وضع يجعــلـــه عن نــورهـــا منـفى
و تقـــولها مصـــــر بكــــل عفّـــــــه و تبتســـــــم :
شرفك يا مصرى هوّ شرفى
شرفك يا مصرى هوّ شرفى.
| |
|
nona
المديرة العامة
2
1253
2073
02/08/2010
30
الموقع : شوق وحنين
| | موضوع: رد: فرســـان ينــــاير الثلاثاء يونيو 07, 2011 5:33 pm | |
| رووووووووووووووووووووعة ياعلى
تسلم ايدك
منتظرين جديدك دايما | |
|
همسه شوق
مشرفة
5
314
454
03/08/2010
30
الموقع : شوق وحنين
| | موضوع: رد: فرســـان ينــــاير الثلاثاء يونيو 07, 2011 5:42 pm | |
| تسلم يا علي موضوع جميل
ومنتظرين جديدك | |
|
السندريلا
عضو متميز
14
262
342
05/08/2010
29
الموقع : لا يوجد
| | موضوع: رد: فرســـان ينــــاير الثلاثاء يونيو 07, 2011 5:48 pm | |
| مشكوووووور يا على موضوع جمييييل | |
|
على
مشرف
89
547
845
02/06/2011
27
الموقع : Egypt
| | موضوع: رد: فرســـان ينــــاير الأربعاء يونيو 08, 2011 10:39 am | |
| شكرا لكم جميعا لمروركم بموضوعى نورتم الموضوع | |
|
